ફોટોઈલેક્ટ્રિક અસરના પ્રયોગમાં આપાત વિકિરણની આવૃત્તિની અસર સમજાવો.

(N/A) આકૃતિમાં અચળ તીવ્રતાએ આપાત વિકિરણની વિવિધ આવૃત્તિઓ માટે કલેક્ટર પ્લેટના સ્થિતિમાન સાથે ફોટોઈલેક્ટ્રિક પ્રવાહમાં થતા ફેરફારનો આલેખ દર્શાવેલ છે.
આપાત વિકિરણની અલગ-અલગ આવૃત્તિઓ માટે,મળતું સ્ટોપિંગ પોટેન્શિયલ (કટ-ઓફ વોલ્ટેજ) અલગ-અલગ હોય છે,પરંતુ સંતૃપ્ત પ્રવાહ સમાન રહે છે.
જો આવૃત્તિઓ $\nu_{3} > \nu_{2} > \nu_{1}$ હોય,તો મળતું સ્ટોપિંગ પોટેન્શિયલ પણ $V_{03} > V_{02} > V_{01}$ થશે.
આના પરથી કહી શકાય કે જ્યારે આપાત વિકિરણની આવૃત્તિ વધે છે,ત્યારે તેની ઉર્જા $[E = h\nu]$ પણ વધે છે. તેથી,ઉત્સર્જિત ફોટોઈલેક્ટ્રોનની મહત્તમ ગતિ ઉર્જા આપાત વિકિરણની ઉર્જા (આવૃત્તિ) પર આધાર રાખે છે.
જ્યારે ફોટોઈલેક્ટ્રોનની ઉર્જા વધારે હોય,ત્યારે તેમને રોકવા માટે વધુ પ્રતિપ્રવેગક સ્થિતિમાન (સ્ટોપિંગ પોટેન્શિયલ) ની જરૂર પડે છે.