એલિફેટિક એમાઈન્સની બેઝિકતા (બેઝિક ગુણધર્મ) સમજાવો.

(N/A) એમાઈન્સની બેઝિકતા તેમના બંધારણ સાથે સંબંધિત છે. એમાઈનનો બેઝિક ગુણધર્મ એસિડમાંથી પ્રોટોન સ્વીકારીને કેટાયન બનાવવાની સરળતા પર આધાર રાખે છે. એમાઈનની સાપેક્ષમાં કેટાયન જેટલો વધુ સ્થાયી,તેટલો એમાઈન વધુ બેઝિક હોય છે.
આલ્કેનેમાઈન્સ વિરુદ્ધ એમોનિયા: તેમની બેઝિકતાની તુલના કરવા માટે આલ્કેનેમાઈન અને એમોનિયાની પ્રોટોન સાથેની પ્રતિક્રિયા ધ્યાનમાં લઈએ:
$R-NH_2 + H^+ \rightleftharpoons R-NH_3^+$
$NH_3 + H^+ \rightleftharpoons NH_4^+$
આલ્કાઈલ સમૂહ $(R)$ ના ઈલેક્ટ્રોન મુક્ત કરવાના સ્વભાવને કારણે,તે નાઈટ્રોજન તરફ ઈલેક્ટ્રોન ધકેલે છે અને આમ અબંધકારક ઈલેક્ટ્રોન યુગ્મને એસિડના પ્રોટોન સાથે વહેંચવા માટે વધુ ઉપલબ્ધ બનાવે છે.
વધુમાં,એમાઈનમાંથી બનતો વિસ્થાપિત એમોનિયમ આયન આલ્કાઈલ સમૂહની $+I$ અસર દ્વારા ધન વીજભારના વિખેરણને કારણે સ્થાયી થાય છે.
તેથી,આલ્કાઈલ એમાઈન્સ એ એમોનિયા કરતા વધુ પ્રબળ બેઝ છે.
$(b)$ $1^{\circ}, 2^{\circ}, 3^{\circ}$ આલ્કાઈલ એમાઈન્સની તુલના: આમ,એલિફેટિક એમાઈન્સનો બેઝિક ગુણધર્મ આલ્કાઈલ સમૂહોની સંખ્યામાં વધારા સાથે વધવો જોઈએ. આ વલણ વાયુમય અવસ્થામાં જોવા મળે છે.
વાયુમય અવસ્થામાં એમાઈન્સની બેઝિકતાનો ક્રમ અપેક્ષિત ક્રમ અનુસરે છે: તૃતીયક એમાઈન $>$ દ્વિતીયક એમાઈન $>$ પ્રાથમિક એમાઈન $>$ એમોનિયા $(3^{\circ} > 2^{\circ} > 1^{\circ} > NH_3)$.