પ્રવાહી સંયોજનોના શુદ્ધિકરણ માટે સાદી નિસ્યંદન પદ્ધતિનું વર્ણન કરો.

(N/A) સિદ્ધાંત: સાદા નિસ્યંદનનો ઉપયોગ એવા પ્રવાહીઓને શુદ્ધ કરવા માટે થાય છે જે વિઘટન પામ્યા વગર ઉકળે છે અને તેમના ઉત્કલનબિંદુઓમાં પૂરતો તફાવત હોય છે.
$(B)$ પદ્ધતિ: પ્રવાહી મિશ્રણને ગોળ તળિયાવાળા ફ્લાસ્કમાં લેવામાં આવે છે. ફ્લાસ્કને થર્મોમીટર,કન્ડેન્સર (શીતક) અને પાણીના પ્રવેશ/નિર્ગમ દ્વાર સાથે જોડવામાં આવે છે. નિસ્યંદિત એકત્રિત કરવા માટે કન્ડેન્સરના ખુલ્લા છેડા પર એક કોનિકલ ફ્લાસ્ક મૂકવામાં આવે છે.
મિશ્રણને કાળજીપૂર્વક ગરમ કરવામાં આવે છે. નીચા ઉત્કલનબિંદુ ધરાવતો ઘટક પહેલા બાષ્પીભવન પામે છે. આ બાષ્પ કન્ડેન્સરમાંથી પસાર થાય છે,જ્યાં તે ઠંડા પાણીના પરિભ્રમણ દ્વારા ઠંડી પડે છે અને ફરીથી શુદ્ધ પ્રવાહીમાં રૂપાંતરિત થાય છે,જેને રિસીવર (કોનિકલ ફ્લાસ્ક) માં એકત્રિત કરવામાં આવે છે.
$(C)$ ઉદાહરણ: ક્લોરોફોર્મ (ઉત્કલનબિંદુ $334 \ K$) અને એનિલિન (ઉત્કલનબિંદુ $457 \ K$) ના મિશ્રણને આ તકનીક દ્વારા સરળતાથી અલગ કરી શકાય છે.