દેડકાની રુધિરાભિસરણ તંત્રનું વર્ણન કરો.

(A) $\rightarrow$ દેડકાનું રુધિરાભિસરણ તંત્ર સુવિકસિત બંધ પ્રકારનું છે. તેમાં લસિકા તંત્રનો પણ સમાવેશ થાય છે.
$\rightarrow$ રુધિર પરિવહન તંત્રમાં હૃદય,રુધિરવાહિનીઓ અને રુધિરનો સમાવેશ થાય છે.
$\rightarrow$ લસિકા તંત્ર લસિકા,લસિકા વાહિનીઓ અને લસિકા ગાંઠોનું બનેલું હોય છે.
$\rightarrow$ દેડકાનું હૃદય: હૃદય એ શરીરની ગુહાના ઉપરના ભાગમાં આવેલી સ્નાયુબદ્ધ રચના છે. તે ત્રણ ખંડો ધરાવે છે,બે કર્ણકો અને એક ક્ષેપક,અને તે હૃદયાવારણ (pericardium) નામના પટલ દ્વારા આવરિત હોય છે.
$\rightarrow$ સાઇનસ વેનોસસ (sinus venosus) નામની ત્રિકોણાકાર રચના જમણા કર્ણક સાથે જોડાય છે. તે મહાશિરાઓ (vena cava) દ્વારા રુધિર મેળવે છે.
$\rightarrow$ ક્ષેપક હૃદયની વક્ષ બાજુએ કોનસ આર્ટેરિયોસસ (conus arteriosus) નામની કોથળી જેવી રચનામાં ખુલે છે. હૃદયમાંથી રુધિર ધમનીઓ દ્વારા શરીરના તમામ ભાગોમાં પહોંચાડવામાં આવે છે.
$\rightarrow$ શિરાઓ શરીરના વિવિધ ભાગોમાંથી રુધિર એકત્રિત કરીને હૃદયમાં લાવે છે અને શિરાતંત્ર બનાવે છે.
$\rightarrow$ પોર્ટલ તંત્ર: દેડકામાં યકૃત અને આંતરડા વચ્ચે તેમજ મૂત્રપિંડ અને શરીરના નીચેના ભાગો વચ્ચે ખાસ શિરાયુક્ત જોડાણો હોય છે. પ્રથમ ને યકૃત નિવાહિકા તંત્ર (hepatic portal system) અને બીજાને મૂત્રપિંડ નિવાહિકા તંત્ર (renal portal system) કહેવામાં આવે છે.
$\rightarrow$ રુધિર: રુધિરમાં રુધિરરસ (plasma) અને રુધિર કોષો હોય છે.
$\rightarrow$ $RBC$ (રક્તકણો) અથવા એરિથ્રોસાઇટ્સ,$WBC$ (શ્વેતકણો) અથવા લ્યુકોસાઇટ્સ અને રુધિર ત્રાકકણો. રુધિરનું પરિભ્રમણ સ્નાયુબદ્ધ હૃદયના પમ્પિંગ દ્વારા થાય છે.
$\rightarrow$ રક્તકણોમાં હિમોગ્લોબિન નામનું લાલ રંગનું રંજકદ્રવ્ય હોય છે. આ કોષો કોષકેન્દ્રયુક્ત હોય છે.
$\rightarrow$ લસિકા: લસિકા રુધિરથી અલગ છે કારણ કે તેમાં પ્રોટીન અને રક્તકણોનો અભાવ હોય છે. પરિભ્રમણ દરમિયાન રુધિર પોષક તત્વો,વાયુઓ અને પાણીને સંબંધિત સ્થાનો સુધી પહોંચાડે છે.