દળ (Mass) અને વજન (Weight) ની વ્યાખ્યા આપો.

(N/A) પદાર્થનું દળ એટલે તેમાં રહેલા દ્રવ્યનો જથ્થો,જ્યારે વજન એટલે પદાર્થ પર લાગતું ગુરુત્વાકર્ષણ બળ.
પદાર્થનું દળ અચળ રહે છે,જ્યારે ગુરુત્વાકર્ષણમાં ફેરફારને કારણે તેનું વજન એક જગ્યાએથી બીજી જગ્યાએ બદલાઈ શકે છે.
પ્રયોગશાળામાં વૈશ્લેષિક તુલા (analytical balance) નો ઉપયોગ કરીને પદાર્થનું દળ ખૂબ જ ચોકસાઈથી નક્કી કરી શકાય છે.
દળનો $SI$ એકમ કિલોગ્રામ $(kg)$ છે. પ્રયોગશાળામાં રાસાયણિક પ્રક્રિયાઓ માટે ઓછા જથ્થામાં રસાયણો વપરાતા હોવાથી તેના નાના એકમ ગ્રામ $(1 \ kg = 1000 \ g)$ નો ઉપયોગ થાય છે.
કદ (Volume) નો એકમ $(\text{લંબાઈ})^3$ છે. તેથી $SI$ પદ્ધતિમાં,કદનો એકમ $m^3$ છે. જોકે,રસાયણશાસ્ત્રની પ્રયોગશાળાઓમાં નાના કદનો ઉપયોગ થાય છે. તેથી,કદને ઘણીવાર $cm^3$ અથવા $dm^3$ એકમોમાં દર્શાવવામાં આવે છે. પ્રવાહીના કદના માપન માટે લિટર $(L)$ એકમનો ઉપયોગ થાય છે,જે $SI$ એકમ નથી. $1 \ L = 1000 \ mL$,$1000 \ cm^3 = 1 \ dm^3$.