ગણ $\{2k \mid -9 \leq k \leq 10\}$ માંથી એક પૂર્ણાંક પસંદ કરવામાં આવે છે. પસંદ કરેલ પૂર્ણાંક $4$ અને $6$ બંને વડે વિભાજ્ય હોય તેની સંભાવના કેટલી છે?

$A$,$B$,$C$ એ રેસમાં ભાગ લેતા ત્રણ ઘોડા છે. ઘોડા $A$ ના રેસ જીતવાની સંભાવના ઘોડા $B$ કરતા બમણી છે અને ઘોડા $B$ ના જીતવાની સંભાવના ઘોડા $C$ કરતા બમણી છે. તો ઘોડા $A$,$B$ અને $C$ ના રેસ જીતવાની સંભાવનાઓ અનુક્રમે કેટલી હશે?

પ્રથમ દસ પ્રાકૃતિક સંખ્યાઓમાંથી એક સંખ્યા યાદચ્છિક રીતે પસંદ કરવામાં આવે છે. તે સંખ્યા એકી અને પૂર્ણ વર્ગ હોય તેની સંભાવના કેટલી છે?

એક પુરુષ અને તેની પત્ની બે જગ્યાઓ માટે ઇન્ટરવ્યુ આપે છે. પતિની પસંદગી થવાની સંભાવના $\frac{1}{7}$ છે અને પત્નીની પસંદગી થવાની સંભાવના $\frac{1}{5}$ છે. જો તેઓ સ્વતંત્ર રીતે ઇન્ટરવ્યુ આપે,તો તેમાંથી માત્ર એકની જ પસંદગી થાય તેની સંભાવના કેટલી?

ગણ $\{1, 2, 3, 4, \dots, 100\}$ માંથી એક સંખ્યા $x$ યાદચ્છિક રીતે પસંદ કરવામાં આવે છે. ઘટના $A$ વ્યાખ્યાયિત કરો: $A =$ પસંદ કરેલી સંખ્યા $x$ એ $\frac{(x - 10)(x - 50)}{(x - 30)} \ge 0$ નું સમાધાન કરે છે. તો $P(A)$ શું છે?

એક પ્રયોગમાં પાસો ફેંકવામાં આવે છે અને જો પાસા પરનો અંક બેકી હોય તો સિક્કો ઉછાળવામાં આવે છે. જો પાસા પરનો અંક એકી હોય,તો સિક્કો બે વાર ઉછાળવામાં આવે છે. આ પ્રયોગ માટે નિદર્શાવકાશ લખો.