$9M$ દળ અને $R$ ત્રિજ્યાની તકતીમાંથી $R/3$ ત્રિજ્યાની નાની તકતી કાપી લેવામાં આવે છે. બાકી રહેલા ભાગની તેના કેન્દ્રમાંથી પસાર થતી અને સમતલને લંબ અક્ષ પર જડત્વની ચાકમાત્રા ગણો. ($MR^2$ માં)

$M$ દળ અને $R$ ત્રિજ્યા ધરાવતી એક વર્તુળાકાર પ્લેટની ઘનતા $\rho(r) = \rho_0 r$ મુજબ બદલાય છે,જ્યાં $\rho_0$ અચળાંક છે અને $r$ એ તેના કેન્દ્રથી અંતર છે. પ્લેટને લંબ અને તેની ધારમાંથી પસાર થતી અક્ષને અનુલક્ષીને પ્લેટની જડત્વની ચાકમાત્રા $I = aMR^2$ છે. સહગુણક $a$ નું મૂલ્ય શોધો.

લંબાઈ $L$ અને દળ $M$ ધરાવતા એક સમાન પાતળા સળિયાની,તેના એક છેડાથી $L/3$ અંતરે આવેલા અને સળિયાને લંબ અક્ષને અનુલક્ષીને જડત્વની ચાકમાત્રા કેટલી થાય?

$2 \,m$ ત્રિજ્યા અને $1 \,kg$ દળ ધરાવતી વર્તુળાકાર તકતીની તેના દ્રવ્યમાન કેન્દ્રમાંથી પસાર થતી અને તકતીના સમતલને લંબ અક્ષને અનુલક્ષીને જડત્વની ચાકમાત્રા $2 \,kg \,m^{2}$ છે. આ અક્ષને સમાંતર અને તકતીની ધારમાંથી પસાર થતી અક્ષને અનુલક્ષીને તેની જડત્વની ચાકમાત્રા કેટલી હશે? (આપેલી આકૃતિ જુઓ).

$m$ દળ અને $a$ ત્રિજ્યા ધરાવતા ચાર સમાન નક્કર ગોળાઓને $b$ બાજુવાળા ચોરસના ચાર ખૂણાઓ પર તેમના કેન્દ્રો રહે તે રીતે મૂકવામાં આવ્યા છે. ચોરસની એક બાજુને અનુલક્ષીને તંત્રની જડત્વની ચાકમાત્રા કેટલી થાય?

આકૃતિમાં દર્શાવ્યા મુજબ,સમાન દળ ઘનતા અને $2R$ ત્રિજ્યા ધરાવતી મોટી તકતીમાંથી $2R$ વ્યાસની નાની તકતી દૂર કરીને એક લેમિના બનાવવામાં આવે છે. આ લેમિનાની $O$ અને $P$ માંથી પસાર થતી અક્ષોને અનુલક્ષીને જડત્વની આઘૂર્ણ અનુક્રમે $I_0$ અને $I_P$ છે. આ બંને અક્ષો લેમિનાના સમતલને લંબ છે. $\frac{I_P}{I_0}$ નો ગુણોત્તર નજીકના પૂર્ણાંકમાં કેટલો થાય?