એક આણ્વીય કેન્દ્રાનુરાગી વિસ્થાપન $(S_N1)$ પ્રક્રિયાની ક્રિયાવિધિ યોગ્ય ઉદાહરણ સાથે સમજાવો.

(N/A) તૃતીયક બ્યુટાઈલ બ્રોમાઈડ અને હાઈડ્રૉક્સાઈડ આયન $(OH^-)$ વચ્ચેની $S_N1$ પ્રક્રિયાથી તૃતીયક બ્યુટાઈલ આલ્કોહોલ મળે છે.
$(CH_3)_3C-Br + OH^- \longrightarrow (CH_3)_3C-OH + Br^-$
$S_N1$ પ્રક્રિયાની લાક્ષણિકતાઓ:
$(a)$ એક આણ્વીય ગતિકી: પ્રક્રિયાનો વેગ માત્ર પ્રક્રિયક તૃતીયક બ્યુટાઈલ બ્રોમાઈડની સાંદ્રતા પર આધાર રાખે છે.
$(b)$ કેન્દ્રાનુરાગી વિસ્થાપન: અવશિષ્ટ સમૂહ $Br^-$ નું કેન્દ્રાનુરાગી $OH^-$ દ્વારા વિસ્થાપન થાય છે.
$(c)$ બે તબક્કામાં પૂર્ણ થતી પ્રક્રિયા: $S_N1$ પ્રક્રિયાઓ બે તબક્કામાં થાય છે.
તબક્કો-$I$ (ધીમો તબક્કો): $C-Br$ બંધનું વિષમખંડન થઈને કાર્બોકેટાયન $(CH_3)_3C^+$ અને બ્રોમાઈડ આયન $Br^-$ બને છે. આ વેગનિર્ધાયક તબક્કો છે.
તબક્કો-$II$ (ઝડપી તબક્કો): કેન્દ્રાનુરાગી $OH^-$ કાર્બોકેટાયન પર હુમલો કરીને અંતિમ નીપજ તૃતીયક બ્યુટાઈલ આલ્કોહોલ બનાવે છે.