ટૂંકનોંધ લખો: સંયોજનનું સૂત્ર અને ભરાયેલા છિદ્રોની સંખ્યા.

(N/A) $ccp$ અથવા $hcp$ જેવી સંવૃત સંકુલિત રચનાઓમાં બે પ્રકારના છિદ્રો સર્જાય છે: સમચતુષ્ફલકીય છિદ્રો અને અષ્ટફલકીય છિદ્રો.
લેટિસમાં હાજર અષ્ટફલકીય છિદ્રોની સંખ્યા સંવૃત સંકુલિત કણોની સંખ્યા $(N)$ જેટલી હોય છે,જ્યારે સમચતુષ્ફલકીય છિદ્રોની સંખ્યા સંવૃત સંકુલિત કણોની સંખ્યા કરતા બમણી $(2N)$ હોય છે.
આયનીય ઘન પદાર્થોમાં,મોટા આયનો (સામાન્ય રીતે ઋણ આયન) સંવૃત સંકુલિત રચના બનાવે છે,જ્યારે નાના આયનો (સામાન્ય રીતે ધન આયન) છિદ્રોમાં ગોઠવાય છે.
જો ધન આયન નાનો હોય,તો તે સમચતુષ્ફલકીય છિદ્રો રોકે છે; જો તે મોટો હોય,તો તે અષ્ટફલકીય છિદ્રો રોકે છે.
આપેલા સંયોજનમાં કેટલા અષ્ટફલકીય કે સમચતુષ્ફલકીય છિદ્રો ભરાયેલા છે તેનો આધાર સંયોજનના રાસાયણિક સૂત્ર પર રહેલો છે. બધા જ સમચતુષ્ફલકીય કે અષ્ટફલકીય છિદ્રો ભરાયેલા હોય તે જરૂરી નથી.