કેલિફોર્નિયાના અર્કાટા શહેરમાં સંકલિત રીતે કરાયેલા નકામા પાણીના ઉપચારના પ્રયોગનું વર્ણન કરો.

(N/A) વાહિત મળ સહિત નકામા પાણીનો ઉપચાર કૃત્રિમ અને કુદરતી બંને પ્રક્રિયાઓને ભેગી કરીને સંકલિત રીતે કરી શકાય છે.
આવો એક પ્રયોગ કેલિફોર્નિયાના ઉત્તરીય તટ પર આવેલા અર્કાટા શહેરમાં કરવામાં આવ્યો હતો. હમ્બોલ્ટ સ્ટેટ યુનિવર્સિટીના જીવવિજ્ઞાનીઓના સહયોગથી સંકલિત નકામા પાણીના ઉપચારની પદ્ધતિ બે ચરણમાં તૈયાર કરવામાં આવી:
$(a)$ પરંપરાગત અવસાદન,ગાળણ અને ક્લોરિન દ્વારા ઉપચાર કરવામાં આવે છે. જોકે,આ પછી પણ ઘણા ખતરનાક પ્રદૂષકો જેવા કે ઓગળેલી ભારે ધાતુઓ બાકી રહી જાય છે.
$(b)$ તેને દૂર કરવા માટે,લગભગ $60$ હેક્ટર કળણભૂમિમાં એકબીજા સાથે જોડાયેલા $6$ જેટલા ભૂમિ વિસ્તારોની શૃંખલા વિકસાવવામાં આવી. આમાં યોગ્ય વનસ્પતિઓ,લીલ,ફૂગ અને બેક્ટેરિયા ઉછેરવામાં આવ્યા,જે પ્રદૂષકોને તટસ્થ,અવશોષિત અને પરિપાચિત કરે છે,જેથી કળણભૂમિમાંથી પસાર થતું પાણી કુદરતી રીતે શુદ્ધ થઈ જાય છે.
આ કળણભૂમિ એક અભયારણ્યની રચના પણ કરે છે,જેમાં માછલીઓ,પ્રાણીઓ અને પક્ષીઓ સહિત ઉચ્ચ સ્તરની જૈવવિવિધતા જોવા મળે છે.
આ પરિયોજનાની દેખભાળ અને સુરક્ષા માટે નાગરિકોનો એક સમૂહ $FOAM$ ($Friends$ $of$ $the$ $Arcata$ $Marsh$) કાર્યરત છે.