ત્વક્ષેધા (Phellogen) ની રચના અને કાર્ય સમજાવો.

(N/A) વાહિએધાની સક્રિયતાને કારણે પ્રકાંડના ઘેરાવામાં સતત વધારો થવાથી બાહ્ય બાહ્યક (Outer Cortical) અને અધિસ્તરીય સ્તરો પર દબાણ વધે છે,પરિણામે આ સ્તરો તૂટી જાય છે અને તેને બદલે નવા રક્ષણાત્મક કોષીય સ્તરો પૂરા પાડવાની જરૂરિયાત ઊભી થાય છે. તેથી,વહેલા કે મોડા,બાહ્યકના પ્રદેશમાં એક નવી વર્ધનશીલ પેશી વિકસે છે,જેને ત્વક્ષેધા કે $Phellogen$ કહે છે.
ત્વક્ષેધા બે સ્તર જેટલી જાડી હોય છે. તે સાંકડા,પાતળી દીવાલ ધરાવતા અને લગભગ લંબચોરસ કોષોની બનેલી હોય છે. ત્વક્ષેધા બંને બાજુએ કોષો ઉમેરે છે.
બહારની તરફ ઉમેરાતા કોષો ત્વક્ષા કે $Phellem$ માં વિભેદિત થાય છે,જ્યારે અંદરની તરફ ઉમેરાતા કોષો દ્વિતીય બાહ્યક કે $Phelloderm$ માં વિભેદિત થાય છે.
ત્વક્ષાના કોષોની કોષદીવાલમાં સુબેરિનના જમાવડાને કારણે તે પાણી માટે અપ્રવેશશીલ બને છે.
દ્વિતીય બાહ્યકના કોષો મૃદુતકીય હોય છે.
ત્વક્ષેધા $(Phellogen)$,ત્વક્ષા $(Phellem)$ અને ઉપત્વક્ષા $(Phelloderm)$ સામૂહિક રીતે બાહ્યવલ્ક $(Periderm)$ તરીકે ઓળખાય છે.
ત્વક્ષેધાની સક્રિયતાને કારણે તેની પરિઘવર્તી બાજુએ આવેલા બાકીના સ્તરો પર દબાણ વધે છે,જેના કારણે આ સ્તરો મૃત બનીને ધીમે ધીમે નાશ પામે છે.