જ્યારે રુધિરમાં એડ્રિનાલિનનો સ્ત્રાવ થાય ત્યારે માનવ શરીર કેવી રીતે પ્રતિભાવ આપે છે તે સમજાવો.

(N/A) જ્યારે સજીવ કોઈ તણાવપૂર્ણ અથવા ડરામણી પરિસ્થિતિનો સામનો કરે છે,ત્યારે એડ્રિનલ ગ્રંથિમાંથી એડ્રિનાલિનનો સ્ત્રાવ થાય છે અને તે સીધો રુધિરમાં મુક્ત થાય છે. ત્યારબાદ તે શરીરના વિવિધ ભાગોમાં પરિભ્રમણ કરે છે,જેના પરિણામે નીચે મુજબના પ્રતિભાવો જોવા મળે છે:
$(a)$ સ્નાયુઓને વધુ ઓક્સિજન પૂરો પાડવા માટે હૃદયના ધબકારા ઝડપી બને છે.
$(b)$ નાની ધમનીઓની આસપાસના સ્નાયુઓના સંકોચનને કારણે પાચનતંત્ર અને ત્વચાને મળતો રુધિરનો પુરવઠો ઘટે છે. આનાથી કંકાલ સ્નાયુઓ તરફ વધુ રુધિરનું વહન થાય છે.
$(c)$ ડાયાફ્રામ અને પાંસળીઓના સ્નાયુઓના સંકોચનને કારણે શ્વસન દર વધે છે,જે વધુ ઓક્સિજન લેવામાં મદદ કરે છે.